மறைந்த இயக்குநர் பாக்யராஜ் அவர்களின் உடலுக்கு காவல்துறை அணிவகுப்பு மரியாதையைச் செலுத்தியுள்ளது. அவரது உடல் நுங்கம்பாக்கத்தில் உள்ள அவரது இல்லத்திலிருந்து பெசண்ட் நகர் மின் மயானத்திற்கு எடுத்துச் செல்லப்பட்டது.
1953 ஆம் ஆண்டு ஈரோடு மாவட்டம் வெள்ளாங்கோவில் பிறந்த பாக்யராஜ், 16 வயதினிலே படத்தின் மூலம் உதவி இயக்குநராக தனது திரைப்பயணத்தைத் தொடங்கினார். 'சுவர் இல்லாத சித்திரங்கள்' திரைப்படத்தின் மூலம் இயக்குநராக அறிமுகமான இவர், 25க்கும் மேற்பட்ட படங்களை இயக்கி, 75க்கும் மேற்பட்ட படங்களில் நடித்துள்ளார். எம்ஜிஆர் நடித்து பாதியில் கைவிடப்பட்ட படத்தை 'அவசர போலீஸ் 100' என இயக்கி நடித்த பெருமையும் இவருக்கு உண்டு.
எம்ஜிஆரின் தீவிர ரசிகரான பாக்யராஜ், அதிமுகவில் இணைந்து பின்னர் எம்ஜிஆர் மக்கள் முன்னேற்றக் கழகம் என்ற கட்சியைத் தொடங்கினார். 2006 ஆம் ஆண்டு கருணாநிதி முன்னிலையில் திமுகவில் இணைந்த இவர், பின்னர் அதிலிருந்தும் விலகினார். 1988 ஆம் ஆண்டு முதல் 'பாக்யா' எனும் வார இதழையும் நடத்தி வந்தார். பாண்டியராஜன், பார்த்திபன் போன்ற திறமையான இயக்குநர்களை உருவாக்கியவர் இவர்.
'இது நம்ம ஆளு' படத்தின் மூலம் இசையமைப்பாளராகவும் அறிமுகமான இயக்குநர் பாக்யராஜ், நேற்று காலை மாரடைப்பால் காலமானார். இவருக்கு சரண்யா என்ற மகளும் சாந்தனு என்ற மகனும் உள்ளனர்.
