இந்தியாவில் மின்சார வாகனங்களின் பயன்பாடு நாளுக்கு நாள் அதிகரித்து வரும் நிலையில், குறிப்பாக இரு சக்கர மின்சார ஸ்கூட்டர்களுக்கு மக்கள் மத்தியில் பெரும் வரவேற்பு கிடைத்துள்ளது. அந்த வகையில், iVOOMi நிறுவனம் அறிமுகப்படுத்தியுள்ள Jeet X மின்சார ஸ்கூட்டர், அதிக மைலேஜ் மற்றும் சிறந்த அம்சங்களுடன் வாடிக்கையாளர்களைக் கவர்ந்து வருகிறது.
iVOOMi Jeet X ஸ்கூட்டர் மொத்தம் 3 வேரியண்ட்களில் கிடைக்கிறது. இதன் முதல் வேரியண்டான Jeet X Standard, ரூபாய் 91,428 விலையிலும், Jeet X ZE (2.5 kWh) ரூபாய் 96,529 விலையிலும், Jeet X ZE (3 kWh) ரூபாய் 1,11,831 விலையிலும் விற்பனைக்கு வந்துள்ளன.
மைலேஜ் மற்றும் வேகம் எனப் பார்த்தால், முதல் வேரியண்டில் 2 kWh பேட்டரி பொருத்தப்பட்டுள்ளது. இது ஒரு முறை சார்ஜ் செய்தால் 120 கி.மீ தூரம் வரை மைலேஜ் அளிக்கும், மேலும் மணிக்கு 61 கி.மீ வேகத்தில் செல்லக்கூடியது. இரண்டாவது வேரியண்டில் 2.5 kWh பேட்டரி பொருத்தப்பட்டுள்ளது, இது 140 கி.மீ மைலேஜ் மற்றும் மணிக்கு 61 கி.மீ வேகத்தை வழங்குகிறது. மூன்றாவது மற்றும் டாப் வேரியண்டில் 3 kWh பேட்டரி பொருத்தப்பட்டுள்ளது. இது ஒரு முறை சார்ஜ் செய்தால் அசர வைக்கும் 170 கி.மீ தூரம் வரை மைலேஜ் அளிக்கும், இதன் அதிகபட்ச வேகம் மணிக்கு 61 கி.மீ ஆகும்.
இந்த ஸ்கூட்டர் சாம்பல், நீலம், சிவப்பு, வெண்சாம்பல் போன்ற வண்ணங்களில் கிடைக்கிறது. 100 Nm டார்க் இழுவைத்திறன், எக்கோ, சிட்டி மற்றும் ஸ்போர்ட் மோடுகள், BLDC ஹப் மோட்டார் டைப், ஃபாஸ்ட் சார்ஜிங் வசதி, லித்தியம் அயன் பேட்டரி, போர்ட்டபிள் சார்ஜர், 67W சார்ஜர் அவுட்புட், IP65 பேட்டரி ரேட்டிங், முன்பக்கம் டிஸ்க் பிரேக், பின்பக்கம் ட்ரம் பிரேக், 12 இன்ச் அலாய் சக்கரங்கள் போன்ற அம்சங்கள் இதில் இடம்பெற்றுள்ளன. மேலும், 5 வருடம் அல்லது 50,000 கி.மீ வரை பேட்டரிக்கு வாரண்டியும், 2 வருட மோட்டாருக்கு வாரண்டியும் வழங்கப்படுகிறது. டிஜிட்டல் டிஸ்ப்ளே, ப்ளூடூத் கனெக்டிவிட்டி, ஜிபிஎஸ் நேவிகேஷன், USB சார்ஜிங் போர்ட், கீலெஸ் லாக், ரிவர்ஸ் மோட் பார்க்கிங் போன்ற நவீன வசதிகளும் இதில் உள்ளன.
