தங்கம் வாங்குபவர்களுக்கு ஒரு நற்செய்தி! இன்று காலை நிலவரப்படி, ஒரு சவரன் தங்கத்தின் விலை அதிரடியாக ரூ.1,680 குறைந்துள்ளது. அமெரிக்கா – ஈரான் போர் முடிவுக்கு வந்ததை அடுத்து, கச்சா எண்ணெய் விலை குறைந்து வருகிறது. இதனால் தங்கத்தின் விலையிலும் ஏற்றம் இருக்கும் என முதலீட்டாளர்கள் எதிர்பார்த்தனர்.
இருப்பினும், உலக சந்தையில் பொருளாதார நிலை சீரடையும் வரை தங்கத்தின் விலையில் பெரிய மாற்றங்கள் இருக்காது என நிபுணர்கள் தெரிவிக்கின்றனர். இந்த திடீர் விலை சரிவு எவ்வளவு காலம் நீடிக்கும் என்பதை கணிக்க முடியாது என்றும், ஒருவேளை விலை ஏறத் தொடங்கினால் கணிசமாக உயரும் என்றும் அவர்கள் குறிப்பிட்டுள்ளனர்.
இதனால், நகை வாங்குவதற்கு இது உகந்த நேரமா அல்லது பெரிய அளவில் முதலீடு செய்யலாமா என்ற குழப்பம் மக்களிடையே நிலவி வருகிறது. தங்கத்தின் விலை இன்று (ஜூன் 24) மேலும் ரூ.1,680 சரிந்துள்ளது.
கடந்த 3 நாட்களாக ஒரு கிராம் தங்கம் ரூ.13,600 ஆகவும், ஒரு சவரன் ரூ.108,800 ஆகவும் விற்பனையானது. நேற்று ஒரு கிராமுக்கு ரூ.40 குறைந்து ரூ.13,560 ஆகவும், ஒரு சவரனுக்கு ரூ.320 குறைந்து ரூ.108,480 ஆகவும் விற்கப்பட்டது. இன்று கிராமுக்கு ரூ.210 குறைந்து ரூ.13,350 ஆகவும், ஒரு சவரனுக்கு ரூ.1,680 குறைந்து ரூ.106,800 ஆகவும் விற்பனையாகிறது.
