இந்தியாவில் மின்சார வாகனங்களின் பயன்பாடு நாளுக்கு நாள் அதிகரித்து வரும் நிலையில், இ-ஸ்கூட்டர்களுக்கு இணையாக இ-பைக்குகளின் எண்ணிக்கையும் உயர்ந்துள்ளது. இந்தியாவில் மிகவும் பிரபலமான இ-பைக் தயாரிப்பு நிறுவனங்களில் ஒன்றாக Revolt திகழ்கிறது. இந்நிறுவனத்தின் பல்வேறு இ-பைக் மாடல்கள் மற்றும் அவற்றின் சிறப்பம்சங்களை விரிவாகக் காண்போம்.
Revolt RV400 மாடல், ரூபாய் 1 லட்சத்து 40 ஆயிரத்து 137 விலையில் இரண்டு வேரியண்டுகளில் கிடைக்கிறது. ஒருமுறை சார்ஜ் செய்தால் 150 கி.மீட்டர் வரை மைலேஜ் வழங்கும் இந்த பைக், அதிகபட்சமாக மணிக்கு 85 கி.மீட்டர் வேகத்தில் செல்லக்கூடியது. இதில் 3.24 கிலோவாட் பேட்டரி பொருத்தப்பட்டுள்ளது. 108 கிலோ எடை கொண்ட இந்த பைக்கின் இருக்கை உயரம் 814 மி.மீட்டர் ஆகும்.
Revolt RV1, இந்நிறுவனத்தின் மிகவும் புகழ்பெற்ற மாடலாகும். இதன் விலை ரூபாய் 1 லட்சத்து 730 ஆகும். மொத்தம் 4 வேரியண்டுகளில் கிடைக்கும் இந்த பைக்கில் 2.2 கிலோவாட் மற்றும் 3.24 கிலோவாட் பேட்டரிகள் பொருத்தப்பட்டுள்ளன. இது 100 கி.மீட்டர் முதல் 160 கி.மீட்டர் வரை மைலேஜ் அளிக்கிறது. மணிக்கு 70 கி.மீட்டர் வேகத்தில் செல்லக்கூடிய இந்த பைக், எக்கோ, நார்மல் மற்றும் ஸ்போர்ட் என மூன்று விதமான வேக முறைகளில் இயக்கப்படுகிறது.
Revolt RV BlazeX மாடல் ரூபாய் 1 லட்சத்து 27 ஆயிரத்து 673 விலையில் வருகிறது. ஒருமுறை சார்ஜ் செய்தால் 150 கி.மீட்டர் வரை மைலேஜ் தரும் இந்த பைக், மணிக்கு 85 கி.மீட்டர் வேகத்தில் பயணிக்கிறது. 113 கிலோ எடை கொண்ட இந்த இ-பைக், குடும்ப பயன்பாட்டிற்கு ஏற்றதாக உள்ளது. சிபிஎஸ் பிரேக்கிங் சிஸ்டம், முன்பக்கம் மற்றும் பின்பக்கம் டிஸ்க் பிரேக், அலாய் சக்கரங்கள் போன்ற அம்சங்கள் இதில் உள்ளன. மேலும், 3 வருடங்கள் அல்லது 40 ஆயிரம் கிலோமீட்டர் வரை மோட்டார் வாரண்டியும், குறைந்தபட்சம் 3 வருடங்கள் மோட்டார் வாரண்டியும் வழங்கப்படுகிறது. டிஜிட்டல் டிஸ்ப்ளே, ப்ளூடூத், ஜிபிஎஸ் நேவிகேஷன், ஸ்பீடோமீட்டர், ஓடோமீட்டர், செல்ஃப் ஸ்டார்ட் மற்றும் பேட்டரி ஸ்டேட்டஸ் போன்ற நவீன வசதிகளும் இதில் இடம்பெற்றுள்ளன.
