23-06-2026 இன்றைய ராசி பலன்: உங்களுக்கு சம்பந்தமில்லாத விஷயங்களில் தலையிடுவதையும் கருத்து சொல்வதையும் தவிர்ப்பது நல்லது.
மேஷம் ராசிக்காரர்களுக்கு இன்று அனைத்து வேலைகளும் சுமுகமாக முடியும். உங்களைத் தேடி புதிய வாய்ப்புகள் வரும். திறமைகளை வெளிப்படுத்த சந்தர்ப்பங்கள் அமையும். பொருளாதாரத்தில் முன்னேற்றம் ஏற்படும், புதிய வாகனங்கள் வாங்குவீர்கள். ஆக்கப்பூர்வமான முயற்சிகளில் ஈடுபட்டு வெற்றி காண்பீர்கள். அதிர்ஷ்ட நிறங்கள்: மஞ்சள், வெள்ளை. அதிர்ஷ்ட எண்கள்: 9, 3.
ரிஷபம் ராசிக்காரர்கள் எதிர்காலத்திற்குத் தேவையான சேமிப்புகளுக்கு ஏற்பாடு செய்வீர்கள். எதிரிகளின் தொல்லைகள் நீங்கும். கடின உழைப்பு வெற்றி தரும். நீண்ட நாள் வேலைகளை முழுமூச்சுடன் முடிப்பீர்கள். அதிர்ஷ்ட நிறங்கள்: சிவப்பு, அடர் நீலம். அதிர்ஷ்ட எண்கள்: 4, 6.
மிதுனம் ராசிக்காரர்கள் தங்கள் உடைமைகளில் கூடுதல் கவனம் செலுத்த வேண்டும். பண விஷயங்களில் கவனமாக இருப்பது நல்லது. வாழ்க்கைத்தரம் உயரும். உடல் ஆரோக்கியத்தில் கவனம் தேவை. எல்லாவற்றிலும் மனக்கவலை ஏற்படும். வாகனத்தில் செல்லும்போது எச்சரிக்கை தேவை. அதிர்ஷ்ட நிறங்கள்: சிவப்பு, வெளிர் நீலம். அதிர்ஷ்ட எண்கள்: 5, 6.
கடகம் ராசிக்காரர்களுக்கு தாயின் உடல்நிலையில் கவனம் அவசியம். திட்டமிட்டபடி காரியங்களை செய்ய முடியாமல் தடங்கல்கள் ஏற்படலாம். எதிர்பாராத செலவுகள் உண்டாகும். மருத்துவச் செலவுகள் ஏற்பட வாய்ப்புள்ளது. உடல்நலத்தில் கவனம் தேவை. அதிர்ஷ்ட நிறங்கள்: பச்சை, மஞ்சள், நீலம். அதிர்ஷ்ட எண்கள்: 2, 5, 7.
சிம்மம் ராசிக்காரர்கள் தொழில் வியாபாரத்தில் கவனமாக இருப்பது லாபத்தை அதிகரிக்கும். பணவரத்து இருக்கும். உத்தியோகத்தில் இருப்பவர்கள் கூடுதலாக உழைக்க வேண்டி இருக்கும். உழைப்புக்கு ஏற்ற பலன் தாமதமாக கிடைக்கும். சக ஊழியர்களிடம் அனுசரித்துச் செல்வது நல்லது. அதிர்ஷ்ட நிறங்கள்: வெள்ளை, மஞ்சள், பச்சை. அதிர்ஷ்ட எண்கள்: 1, 3, 5.
கன்னி ராசிக்காரர்களுக்கு குடும்பத்தில் இதமான சூழ்நிலை காணப்படும். உறவினர்கள் வருகை இருக்கும். கணவன் மனைவிக்கிடையே விட்டுக்கொடுத்துச் செல்வது நல்லது. பிள்ளைகளின் முன்னேற்றத்தில் கூடுதல் கவனம் செலுத்துவீர்கள். புதிய நபர்களின் அறிமுகம் கிடைக்கும். அதிர்ஷ்ட நிறங்கள்: இளஞ்சிவப்பு, நீலம். அதிர்ஷ்ட எண்கள்: 3, 6, 9.
துலாம் ராசிக்காரர்களுக்கு திடீர் செலவு உண்டாகலாம். காரியங்களில் தடை தாமதம் ஏற்படலாம், கவனம் தேவை. அலைச்சலால் உடல் சோர்வு ஏற்படலாம். ஆன்மீக நாட்டம் மனதிற்கு நிம்மதி தரும். குலதெய்வ தலங்களுக்கு சென்று வருவது மனதிற்கு அமைதியைத் தரும். கணவரின் உடல் நலத்தில் கவனம் தேவை. அதிர்ஷ்ட நிறங்கள்: ஆரஞ்சு, ஊதா, மஞ்சள். அதிர்ஷ்ட எண்கள்: 1, 3, 5, 9.
விருச்சிகம் ராசிக்காரர்களுக்கு வியாபாரத்தை சீரமைக்க மேற்கொள்ளும் முயற்சிகள் வெற்றியடையும். காரிய அனுகூலம் உண்டாகும். சிந்தித்துச் செயல்படுவது நன்மை தரும். உடனிருப்பவர்கள் உதவுவார்கள். லாபம் அதிகரிக்கும். விற்பனை அமோகமாகும். அதிர்ஷ்ட நிறங்கள்: மஞ்சள், நீலம். அதிர்ஷ்ட எண்கள்: 1, 3, 9.
தனுசு ராசிக்காரர்களுக்கு சொந்தங்கள் மூலம் உதவிகள் கிடைக்கப் பெறுவீர்கள். நண்பர்கள் மற்றும் அருகிலிருப்பவர்களின் உதவியால் தொழில் முன்னேற்றம் உண்டாகும். மேலிடத்தின் ஆதரவைப் பெறுவீர்கள். ஆனால் அதன் முழுப்பலன்களையும் அனுபவிக்க இயலாத அளவிற்கு மற்றவர்களால் சிறு குறுக்கீடுகளும் தோன்றும். அதிர்ஷ்ட நிறங்கள்: மஞ்சள், வெள்ளை. அதிர்ஷ்ட எண்கள்: 3, 6, 9.
மகரம் ராசிக்காரர்களுக்கு புதிய ஒப்பந்தங்கள் கிடைக்கும். உங்களின் முயற்சிகள் அனைத்தும் வெற்றிப் பாதையில் செல்லும். புதிய நட்புகளால் நல்ல வாய்ப்புகளைப் பெறுவீர்கள். சக ஊழியர்கள் உங்களுக்கு நிறைவான ஆதரவு தருவார்கள். மன நிம்மதி கிடைக்கும். அதிர்ஷ்ட நிறங்கள்: நீலம், வெளிர் பச்சை, ஆரஞ்சு. அதிர்ஷ்ட எண்கள்: 6, 9.
கும்பம் ராசிக்காரர்கள் உங்களுக்கு சம்பந்தமில்லாத பிரச்சனைகளில் தலையிடுவதையும் கருத்து சொல்வதையும் தவிர்த்தல் நலம். முன்னெச்சரிக்கையுடன் நடந்து கொள்ள வேண்டும். செலவுகளை திட்டமிட்டு செய்வது நல்லது. புதிய காரியங்களை செய்ய துவங்குவதற்கு முன் நல்ல நேரம் பார்த்து செய்வது நல்லது. அதிர்ஷ்ட நிறங்கள்: நீலம், பச்சை. அதிர்ஷ்ட எண்கள்: 2, 7.
மீனம் ராசிக்காரர்கள் புத்துணர்வுடன் காணப்படுவீர்கள். பணவரவு கூடும். சேமிப்பும் உயரும். குடும்பத்தினரின் தேவைகளை நிறைவேற்றுவீர்கள். நண்பர்களிடையே இருந்த பிணக்குகள் நீங்கி நேசத்தோடு வாழ்வீர்கள். தடைப்பட்டு வந்த சுபகாரிய நிகழ்ச்சிகள் இனிதாக நடக்கும். அதிர்ஷ்ட நிறங்கள்: மஞ்சள், நீலம். அதிர்ஷ்ட எண்கள்: 3, 5.
