தமிழ்நாடு மின்சார வாரியத்தில் 300 உதவி செயற்பொறியாளர்களுக்கு (AEE) பதவி உயர்வு வழங்கப்பட்ட விவகாரம் குறித்து திமுக அரசு விளக்கம் அளித்துள்ளது. இது 'வரலாற்றில் முதன்முறை' என தற்போதைய அரசு விளம்பரப்படுத்திய நிலையில், திமுக தனது தரப்பு நியாயத்தை முன்வைத்துள்ளது.
2000-2001 ஆம் ஆண்டுகளில் பணியில் சேர்ந்த உதவி பொறியாளர்களின் 'Seniority' தொடர்பான வழக்கு, பல ஆண்டுகளாக நீதிமன்றத்தில் நிலுவையில் இருந்தது. மார்ச் 11, 2026 அன்று உச்சநீதிமன்றம் அளித்த தீர்ப்பு இந்த முட்டுக்கட்டையை உடைத்தது. தீர்ப்பு வந்த மறுநாளே, மார்ச் 12, 2026 அன்று, அப்போதைய திமுக அரசு 416 உதவி செயற்பொறியாளர்களை (AEE) செயற்பொறியாளர் (EE) பதவி உயர்விற்குப் பரிசீலிக்கப் பட்டியல் தயார் செய்தது.
தேர்தல் நடத்தை விதிமுறைகளால் இந்த செயல்முறை நிறுத்தி வைக்கப்பட்டிருந்ததாகவும், தற்போது தவெக அரசு அதைத் தொடர்ந்துள்ளதாகவும் திமுக தரப்பில் கூறப்படுகிறது. அதன்படி, தகுதி வாய்ந்த 416 பேரில், 300 பேருக்கு மட்டும் தற்போது பதவி உயர்வு வழங்கப்பட்டுள்ளது. மார்ச் 2026-ல் திமுக அரசு 416 பேர் கொண்ட பட்டியலை வெளியிட்ட நிலையில், தற்போது ஜூன் 6, 2026 அன்று 300 பேருக்கு மட்டுமே பதவி உயர்வு வழங்கப்பட்டுள்ளது.
மீதமுள்ள 116 பொறியாளர்களின் நிலை குறித்த தெளிவான விளக்கம் அரசுத் தரப்பில் இருந்து இன்னும் வரவில்லை என்பது குறிப்பிடத்தக்கது. இந்த பதவி உயர்வு விவகாரம் தற்போது விவாதப் பொருளாகியுள்ளது.
