தமிழர் தந்தை சி.பா.ஆதித்தனாரின் 45வது ஆண்டு நினைவு தினம் இன்று அனுசரிக்கப்படுகிறது. இதனையொட்டி, சென்னை எழும்பூரில் உள்ள அவரது சிலைக்கு பல்வேறு தலைவர்களும், நிர்வாகிகளும் அஞ்சலி செலுத்தினர்.
'மாலைமுரசு' நிர்வாக இயக்குநர் இரா.கண்ணன் ஆதித்தன், 'தினத்தந்தி' குழும தலைவர் சி.பாலசுப்பிரமணியன் ஆதித்தன், 'தினத்தந்தி' குழும இயக்குநர் பா.சிவந்தி ஆதித்தன் ஆகியோர் சி.பா.ஆதித்தனார் சிலைக்கு மாலை அணிவித்து மரியாதை செலுத்தினர். தொடர்ந்து, தினத்தந்தி, மாலைமலர், தந்தி டி.வி., தந்தி 1, டி.டி.நெக்ஸ்ட், ராணி, ராணி முத்து, ராணி பிரிண்டர்ஸ், ஹலோ எப்.எம்., சுபஸ்ரீ, இந்தியா கேப்ஸ், ஏ.எம்.என். டி.வி, கோகுலம் கதிர், பரோஸ் ஓட்டல் ஆகியவற்றின் நிர்வாகிகளும், ஊழியர்களும் அஞ்சலி செலுத்தினர்.
தமிழக அரசு சார்பில் பள்ளிக்கல்வித்துறை அமைச்சர் ராஜ்மோகன் மற்றும் சபாநாயகர் ஜேசிடி பிரபாகர் ஆகியோர் சி.பா.ஆதித்தனார் சிலைக்கு மாலை அணிவித்து அஞ்சலி செலுத்தினர். அவர்களின் நினைவைப் போற்றும் வகையில் மலர்களால் அலங்கரிக்கப்பட்ட சிலை அருகே மரியாதை செலுத்தப்பட்டது.
மேலும், பல்வேறு அரசியல் கட்சி தலைவர்கள், நாடார் சங்க நிர்வாகிகள், டாக்டர் சிவந்தி ஆதித்தனார் நற்பணி மன்ற நிர்வாகிகள், வியாபாரிகள் சங்கத்தினர் என பலரும் சி.பா.ஆதித்தனார் சிலைக்கு மாலை அணிவித்து அஞ்சலி செலுத்தி, அவரது நினைவைப் போற்றினர்.
